Specialja fikson orarin: mbrojtja e Thaçit me dy orë për fjalën finale në aktakuzën e dytë

Gjykata Speciale ka bërë publike detajet e organizimit të fjalëve përfundimtare në rastin e dytë, në të cilin Hashim Thaçi dhe të tjerë akuzohen për ndërhyrje në drejtësi. Ndarja e kohës është e përcaktuar deri në minutën e fundit.

Mbrojtja e Thaçit do të ketë dy orë për fjalën përfundimtare, ndërsa Prokuroria Speciale tri orë. Mbrojtjet e Smakajt, Kilajt, Kuçit dhe Fazliut do të kenë nga dy orë e më pak.

Edhe e drejta për përgjigje është e limituar: një orë për Prokurorinë Speciale, 30 minuta për mbrojtjen e Thaçit dhe 15 minuta për secilën nga mbrojtjet e të akuzuarve të tjerë.

"Palët njoftohen se seancat dëgjimore më 10, 11 dhe 14 shtator 2026 do të fillojnë në orën 9:30 të mëngjesit dhe mund të vazhdojnë deri në orën 17:15. Gjyqtari i Vetëm Gjykues mund t'u bëjë pyetje Palëve në çdo kohë", thuhet në njoftimin e Speciales.

Të akuzuarit ndaj të cilëve procedura vazhdon ruajnë prezumimin e pafajësisë deri në një vendim përfundimtar të gjykatës.