AdvertisementAd space
AdvertisementAd space
Reklamë
Flakët kanë kapluar zonën nga Qestati deri te Fusha e Mullinit në komunën e Klinës. Banorët e Volljakut thonë se zjarri po rrezikon pyjet, pronat dhe vetë fshatin dhe kërkojnë ekipe profesionale në terren.
Dy ditë me radhë zjarri nuk është ndalur në afërsi të Volljakut, në komunën e Klinës. Vatra ka përfshirë zonën nga Qestati deri te Fusha e Mullinit, duke rrezikuar natyrën, pronat dhe banorët e zonës.
Banorët e fshatit kanë dalë publikisht me një apel drejtuar organeve kompetente, duke kërkuar ndërhyrje urgjente nga zjarrfikësit, Komuna e Klinës dhe institucionet e tjera përgjegjëse. Ata kërkojnë që ekipet profesionale të dalin në terren sa më shpejt dhe me kapacitetet e nevojshme, për ta lokalizuar dhe shuar zjarrin para se situata të përkeqësohet.
Në të njëjtën kohë, banorët u kanë bërë thirrje qytetarëve që ndodhen në zonë të tregojnë kujdes dhe të mos rrezikojnë jetën duke u përpjekur ta luftojnë zjarrin pa pajisje dhe pa koordinim me ekipet profesionale.
Një fëmijë shtatë vjeç u godit nga një veturë në qendër të Ferizajt dhe drejtuesi i automjetit nuk u ndal fare, por u largua nga vendi i ngjarjes. Policia po kërkon veturën dhe shoferin.
