Ferizaj: 7-vjeçari goditet nga vetura në rrugën "Sali Çeku", shoferi largohet

Një fëmijë shtatëvjeçar është goditur nga një veturë në rrugën "Sali Çeku" në Ferizaj dhe shoferi është larguar pa u ndalur fare në vendin e ngjarjes. Aksidenti ndodhi të dielën, rreth orës 19:27.

Fëmija, i gjinisë mashkullore, pësoi lëndime trupore. Ai mori trajtim mjekësor dhe më pas u lirua, konfirmoi zëdhënësi i Policisë për Ferizaj, Kanun Veseli.

"Më datën 06.09.2026, rreth orës 19:27, në rrugën "Sali Çeku" në Ferizaj, ka ndodhur një aksident trafiku, ku të përfshirë kanë qenë një automjet dhe një këmbësor. Si pasojë e aksidentit, lëndime trupore ka pësuar një fëmijë, i moshës 7-vjeçe, i gjinisë mashkullore. I njëjti ka pranuar tretman mjekësor dhe më pas është liruar. Ndërkohë, drejtuesi i automjetit të përfshirë në aksident nuk është ndalur në vendin e ngjarjes dhe është larguar nga aty. Njësitet policore kanë ndërmarrë veprimet e nevojshme për identifikimin dhe gjetjen e automjetit dhe drejtuesit të tij, ndërsa rasti është duke u hetuar nga njësitet kompetente", ka thënë Veseli.

Identiteti i shoferit mbetet i panjohur. Njësitë policore kanë nisur veprimet për të identifikuar dhe gjetur automjetin dhe personin që ishte pas timonit, ndërsa hetimet për rrethanat e goditjes vazhdojnë nga njësitë kompetente.