AdvertisementAd space
AdvertisementAd space
Reklamë
Një aksident me tri automjete të përfshira tronditi sot fshatin Zallq të Istogut. Tre persona u lënduan dhe u dërguan me urgjencë në Spitalin Rajonal të Pejës.
Tri vetura u përplasën sot pasdite në fshatin Zallq të Istogut, duke lënë tre persona të lënduar që u transportuan menjëherë për ndihmë mjekësore.
Aksidenti ndodhi rreth orës 15:40, ora kur policia u njoftua për ngjarjen. Sipas zëdhënësit të Policisë në Pejë, Driton Rugova, tre personat që pësuan lëndime trupore u dërguan me autoambulancë në Spitalin Rajonal të Pejës për trajtim.
"Sot rreth orës 15:40, Policia është njoftuar për një aksident trafiku i cili ka ndodhur në fshatin Zallq-Istog, në këtë aksident ishin të involvuara 3 vetura dhe si pasojë e aksidentit 3 persona kanë pësuar lëndime trupore, të njëjtit me autoambulancë janë dërguar në Spitalin Rajonal në Pejë, për tretman mjekësor", tha Rugova.
Rrethanat që çuan në përplasjen e tri automjeteve nuk janë bërë ende të ditura, ndërsa gjendja shëndetësore e të lënduarve mbetet e paqartë.
Një fëmijë shtatë vjeç u godit nga një veturë në qendër të Ferizajt dhe drejtuesi i automjetit nuk u ndal fare, por u largua nga vendi i ngjarjes. Policia po kërkon veturën dhe shoferin.
