Polici i lënduar në aksidentin e Malishevës lufton për jetën në kujdesin intensiv

Një zyrtar policor që u plagos rëndë gjatë kryerjes së detyrës po jep betejën për jetën në njësinë e mjekimit intensiv. Zyrtari mori lëndime të rënda pas një aksidenti në rrugën “Ibrahim Mazreku” në Malishevë dhe ndodhet në gjendje të rëndë shëndetësore.

Drejtori i Mjekimit Intensiv, Shaqir Uka, tha se pacienti po merr trajtimin e nevojshëm mjekësor, por theksoi se gjendja e tij mbetet kritike.

“Pacienti po vazhdon të qëndrojë dhe të marrë trajtimin e nevojshëm mjekësor në njësinë e mjekimit intensiv edhe më tutje. Për momentin gjendja është shumë e rëndë dhe kritike”, tha Uka.

Rrethanat e sakta të aksidentit ende nuk janë bërë të ditura.