Gurë, kosha në flakë dhe autobot uji: lprotesta kundër Ramës tensionohet te Ministria e Arsimit

Gurët fluturuan drejt Ministrisë së Arsimit dhe policisë, ndërsa autoboti ujëhedhës u përgjigj me ujë me presion. Kështu u shënuan tensionet e para në protestën që nxori në rrugë mijëra të rinj dhe qytetarë kundër qeverisë dhe kryeministrit Edi Rama.

Pranë ndërtesës së ministrisë, protestuesit u vunë flakën disa koshave të mbeturinave dhe ndezën tymuese. Disa të rinj hodhën gurë në drejtim të forcave të rendit, të cilat ishin vendosur në gatishmëri përpara institucionit, bashkë me autobotin e ujit. Pas sulmit me gurë, ndaj protestuesve u hodh ujë.

Policia u bëri thirrje qytetarëve të distancohen nga aktet e dhunës. Nuk dihet ende nëse ka të shoqëruar apo të lënduar nga përplasjet.

Tension pati edhe brenda vetë radhëve të protestës: studentët refuzuan që deputetë të PD-së t'u bashkoheshin revoltës së tyre, duke e mbajtur larg protestës praninë e përfaqësuesve të opozitës.