ReklamëHapësirë reklame
ReklamëHapësirë reklame
Reklamë
Një burrë 38-vjeçar nga Manza, i kërkuar me masën "Arrest në burg" që nga marsi i vitit 2022, është arrestuar pas deportimit nga Greqia. Sipas policisë, ai akuzohet se dhunoi fizikisht bashkëshorten, e cila humbi jetën 10 ditë më vonë.
Masa e sigurisë ishte caktuar prej kohësh, por zbatimi i saj u bë i mundur vetëm kur 38-vjeçari F. H., banues në Manzë të Durrësit, u kthye në Shqipëri i deportuar nga Greqia. Sipas Policisë së Shtetit, ai u vu në pranga për vrasjen e bashkëshortes së tij.
Specialistët për Hetimin e Krimeve ndaj Personit në Drejtorinë Vendore të Policisë Durrës ekzekutuan ndaj tij masën "Arrest në burg". Vendimi ishte marrë më 31 mars 2022 nga Gjykata e Shkallës së Parë e Juridiksionit të Përgjithshëm Durrës, për veprën penale "Vrasja për shkak të marrëdhënieve familjare".
Sipas policisë, F. H. akuzohet se më 18 mars 2022 ushtroi dhunë fizike ndaj bashkëshortes. Gruaja nuk i mbijetoi dëmtimeve dhe ndërroi jetë 10 ditë më vonë.
Pas ndalimit, materialet procedurale iu kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprimet e mëtejshme. Deri në një vendim gjyqësor, F. H. mbetet i akuzuar për veprën që i atribuohet.
Ndryshimi i pushtetit në Beograd nuk i fshin zotimet e Serbisë ndaj Kosovës, paralajmëron Brukseli. Lista Studentore fitoi zgjedhjet, por e quan Kosovën pjesë të Serbisë dhe kërkon rishqyrtimin e marrëveshjeve.
