ReklamëHapësirë reklame
ReklamëHapësirë reklame
Reklamë
Një person është arrestuar në fshatin Livoç i Ulët të Gjilanit, pasi dyshohet se shtiu me armë zjarri në dyert e shtëpisë së një bashkëfshatari. Në banesën e tij policia gjeti një armë 7.62 mm dhe 93 fishekë.
Dyert e një shtëpie në Livoç të Ulët të Gjilanit u bënë objektiv i të shtënave me armë zjarri mbrëmjen e 12 shtatorit, rreth orës 19:40. Pak orë më vonë, personi i dyshuar për sulmin ishte i arrestuar dhe, me vendim të prokurorit, i dërguar në mbajtje.
Sipas raportit 24-orësh të Policisë së Kosovës, rasti është klasifikuar si "MBAJTJA NË PRONËSI, KONTROLL OSE POSEDIM TË PAAUTORIZUAR TË ARMËVE / PËRDORIMI I ARMËS". Në raport thuhet: "Është arrestuar i dyshuari m/k, pasi që, i njëjti ka shtënë me armë zjarri në dyert e shtëpisë së viktimës m/k".
Njësiti policor ka kryer një kontroll në shtëpinë e të dyshuarit. Gjatë bastisjes janë gjetur dhe sekuestruar një armë e kalibrit 7.62 mm, një karikator, 93 fishekë dhe dy gëzhoja.
Identiteti i të dyshuarit dhe i pronarit të shtëpisë nuk është bërë publik, ndërsa motivi i të shtënave ende nuk dihet. Ndaj të dyshuarit, i cili mbetet i pafajshëm derisa një gjykatë të vendosë ndryshe, procedura vazhdon nën udhëheqjen e prokurorit.
Pushime të ndërprera, togje rezervë nga gjashtë qytete, patrulla para ambasadave dhe një ekip zjarrfikësish në parkingun e EULEX-it: plani operacional i Policisë së Kosovës për ditën kur Dhomat e Specializuara pritet të shpallin aktgjykimin ndaj Thaçit, Veselit, Krasniqit dhe Selimit.
