ReklamëHapësirë reklame
ReklamëHapësirë reklame
Reklamë
Pasaportat dhe letërnjoftimet blanko të Kosovës do t'i furnizojë një grup kompanish me adresë në Mynih, pas një negocimi pa njoftim publik për kontratë. Vlera e marrëveshjes kalon 2.1 milionë euro.
Ilustrim i krijuar me inteligjencë artificiale. Nuk është fotografi e ngjarjes. Si e përdorim AI-në
Ministria e Punëve të Brendshme (MPB) ka lidhur një kontratë me vlerë mbi 2.1 milionë euro për furnizimin me dokumente blanko, përfshirë pasaportat dhe letërnjoftimet, pa shpallur më parë publikisht njoftimin për kontratë.
Të dhënat e publikuara në platformën e-prokurimi tregojnë se ministria, në rolin e autoritetit kontraktues, zgjodhi procedurën e negociuar pa publikim të njoftimit për kontratë. Në fund të negociatave, fitues u shpall grupi i operatorëve ekonomikë Augentic GmbH dhe IN Groupe, me adresë në Mynih të Gjermanisë.
Kontrata nuk kufizohet vetëm te dokumentet. Sipas dosjes së tenderit, ajo mbulon edhe mirëmbajtjen e sistemeve përkatëse të Departamentit për Prodhimin e Dokumenteve (DPD), njësisë së MPB-së që merret me dokumentet e identifikimit të qytetarëve.
Data e nënshkrimit të kontratës nuk është bërë publike.
Punëtorët teknikë të shkollave të Prishtinës nuk kthehen në punë. Takimi i sindikatës me krerët komunalë u mbyll pa zgjidhje, ndërsa palët janë dakorduar të ulen sërish më 3 nëntor.
