ReklamëHapësirë reklame
ReklamëHapësirë reklame
Reklamë
Hetuesit shkuan për të kontrolluar një shtëpi në Prizren në kuadër të një rasti tjetër penal, por dolën me një arrestim të papritur për drogë.
Një bastisje e nisur për një vepër penale krejt tjetër përfundoi me pranga në Prizren. Më 18 gusht, rreth orës 18:05, në rrugën "Agron Fetahu", hetuesit shkuan të kontrollonin shtëpinë e një 25-vjeçari në lidhje me një rast që tashmë ishte nën hetim. Gjatë kontrollit, sipas policisë, ata hasën në substanca të dyshuara narkotike.
Në shtëpi u gjetën dhe u sekuestruan 0.70 gramë substancë e dyshuar kokainë dhe 3.62 gramë substancë e dyshuar marihuanë.
Në operacion ishin angazhuar edhe hetuesit e Drejtorisë për Hetimin e Trafikimit me Narkotikë (DHTN), të cilët po asistonin hetuesit rajonalë në kontrollin që lidhej me rastin tjetër. Pas gjetjes së substancave, i dyshuari, i identifikuar deri më tani me inicialet M.S., u arrestua dhe më pas u intervistua nga hetuesit.
Me vendim të Prokurorit kujdestar për Krime të Përgjithshme, 25-vjeçari u ndalua për 48 orë. Rasti është iniciuar për veprën penale "Posedimi i paautorizuar i narkotikëve, substancave psikotrope ose analoge", ndërsa procedurat e mëtejshme hetimore po vazhdojnë.
I dyshuari prezumohet i pafajshëm derisa fajësia të provohet me vendim të formës së prerë nga gjykata.
Pushime të ndërprera, togje rezervë nga gjashtë qytete, patrulla para ambasadave dhe një ekip zjarrfikësish në parkingun e EULEX-it: plani operacional i Policisë së Kosovës për ditën kur Dhomat e Specializuara pritet të shpallin aktgjykimin ndaj Thaçit, Veselit, Krasniqit dhe Selimit.
