ReklamëHapësirë reklame
ReklamëHapësirë reklame
Reklamë
Njësia gjeneruese A3 është nxjerrë nga puna të hënën në ora 22:17 pasi u evidentua një defekt teknik. KEK-u thotë se e ndaloi si masë parandaluese, për të shmangur dëmtime të mëtejshme.
Korporata Energjetike e Kosovës (KEK) ka nxjerrë nga puna njësinë gjeneruese A3, pasi në të u evidentua një defekt teknik. Ndalimi i kontrolluar u krye të hënën në ora 22:17.
Sipas njoftimit të KEK-ut, vendimi për ta ndalur njësinë u mor si masë parandaluese, duke pasur parasysh rrezikun e dëmtimit të mëtejshëm të pajisjeve. Qëllimi, thuhet, ishte ruajtja e gjendjes teknike të pajisjeve dhe krijimi i kushteve të sigurta për ndërhyrjen dhe sanimin e defektit.
"Ekipet profesionale janë duke trajtuar situatën dhe njësia A3 do të rikthehet në operim pas përfundimit të ndërhyrjeve të nevojshme dhe verifikimit të kushteve të sigurta për punë", thuhet në njoftimin e korporatës.
Kur pritet të rikthehet plotësisht njësia në rrjet, KEK-u nuk e ka përcaktuar.
Pushime të ndërprera, togje rezervë nga gjashtë qytete, patrulla para ambasadave dhe një ekip zjarrfikësish në parkingun e EULEX-it: plani operacional i Policisë së Kosovës për ditën kur Dhomat e Specializuara pritet të shpallin aktgjykimin ndaj Thaçit, Veselit, Krasniqit dhe Selimit.
