Kapet në flagrancë teksa tentonte të vidhte një shtëpi në Prishtinë

Një 33-vjeçar, i identifikuar nga policia me inicialet A.M., u arrestua në flagrancë gjatë ditës së sotme në Prishtinë, ndërsa sipas policisë po tentonte të kryente veprën penale "vjedhje e rëndë" në një shtëpi.

Sipas policisë, ndalimi u bë i mundur falë veprimeve të shpejta dhe punës intensive të njësisë së arrestimeve të Stacionit Policor Qendra, që e kapi të dyshuarin në momentin e veprimit.

"A.M., mashkull, 33 vjeç, në koordinim me Prokurorin e Shtetit, është intervistuar dhe është dërguar në mbajtje për 48 orë", ka konfirmuar policia.

Deri në një vendim të gjykatës, A.M. mbetet vetëm i dyshuar për veprën që i vishet.