65 urdhëresa gjykate dhe mbi 4.800 gjoba brenda një jave në rajonin e Prishtinës

Katërmbëdhjetë armë zjarri janë sekuestruar brenda një jave të vetme në rajonin e Prishtinës, në një varg aksionesh të ndara që policia i ka zhvilluar në lokacione të ndryshme.

Sipas Policisë rajonale të Prishtinës, zyrtarët policorë kanë realizuar gjithsej 65 urdhëresa të gjykatës gjatë javës së kaluar. Pjesa më e madhe e tyre, 47, kanë të bëjnë me vepra penale, ndërsa të tjerat lidhen me kundërvajtje, seanca dhe verifikime.

Personat e dënuar me burgim janë dërguar për vuajtje të dënimit pas përfundimit të procedurave policore. Ata që ishin dënuar me gjobë janë liruar pasi kanë përmbushur obligimet e përcaktuara.

Në planin e rendit rrugor dhe kundërvajtjeve, bilanci është dukshëm më i madh: 4.855 masa administrative me gjobë për shkelje të ndryshme dhe të kodit rrugor. Prej tyre, 466 janë evidentuar përmes veturave inteligjente dhe veturave me radar mobil.

Policia ka bërë të ditur se aktivitetet në funksion të sigurisë do të vazhdojnë edhe më tej.