ReklamëHapësirë reklame
ReklamëHapësirë reklame
Reklamë
Një 29-vjeçar u soll nga Gjermania në Kosovë natën e 12 gushtit dhe përfundoi menjëherë në paraburgim, pasi ndaj tij figuronin tri urdhërarreste aktive dhe dënime tashmë të shqiptuara.
Një person rreth 29-vjeçar është ekstraduar nga Gjermania në Kosovë natën e 12 gushtit, rreth orës 23:00, përmes Aeroportit Ndërkombëtar “Adem Jashari”. Ndaj tij, sipas raportimeve, figuronin tri urdhërarreste aktive.
Pasi u përmbyllën procedurat në aeroport, ai u dërgua drejtpërdrejt në Qendrën e Paraburgimit në Hajvali, për vuajtjen e dënimit.
Sipas informacioneve të bëra publike, në njërin nga rastet i njëjti ishte dënuar me 14 muaj burgim efektiv dhe 3 mijë euro gjobë, ndërsa në një rast tjetër me dy muaj burgim efektiv. Përveç urdhërarresteve, ndaj tij rezultonte aktiv edhe një letërreshtim.
Rrethanat e plota të rasteve për të cilat ishte shpallur në kërkim, si dhe koha kur pritet të fillojë procedura e ekzekutimit të dënimeve, nuk janë bërë ende të ditura zyrtarisht.
Pushime të ndërprera, togje rezervë nga gjashtë qytete, patrulla para ambasadave dhe një ekip zjarrfikësish në parkingun e EULEX-it: plani operacional i Policisë së Kosovës për ditën kur Dhomat e Specializuara pritet të shpallin aktgjykimin ndaj Thaçit, Veselit, Krasniqit dhe Selimit.
