ReklamëHapësirë reklame
ReklamëHapësirë reklame
Reklamë
Gjenerata e re e Policisë së Kosovës ka përfunduar studimet, por ceremonia e diplomimit nuk u mbajt në datën e caktuar. Shkak raportohet të jetë mungesa e uniformave, ndërsa në regjistrat e prokurimit nuk shfaqet asnjë tender për furnizim.
Ilustrim i krijuar me inteligjencë artificiale. Nuk është fotografi e ngjarjes. Si e përdorim AI-në
Mbi 300 kadetë të Policisë së Kosovës do të diplomonin më 30 tetor me ceremoni zyrtare. Ceremonia u shty dhe, sipas burimeve anonime të cituara nga portali IndeksOnline, arsyeja është se nuk ka uniforma të mjaftueshme për policët e rinj.
Kadetëve iu tha fillimisht se diplomimi shtyhej për një afat të pacaktuar. Më pas atyre iu komunikua një datë e re: e premtja, 6 nëntor. Nuk është e qartë nëse Policia e Kosovës do të arrijë ta sigurojë sasinë e nevojshme të uniformave deri në atë ditë.
Në Komisionin Rregullativ të Prokurimit Publik nuk figuron asnjë tender që parasheh shpalljen, dhënien apo nënshkrimin e kontratës për furnizim. Policia e Kosovës nuk ka dhënë ende ndonjë sqarim publik për shtyrjen.
Kadetët i kanë përfunduar tashmë studimet në Akademinë e Kosovës për Siguri Publike dhe ditët deri në ceremoninë e re do t'i kalojnë me pushim.
Gruaja që ka qenë prokurore në dosjen e vrasjes së Donjeta Pajazitajt tani drejton Prokurorinë Themelore të Pejës. Vëllai i viktimës thotë se emërimi ia thellon mosbesimin ndaj drejtësisë, ndërsa rasti i motrës, sipas tij, pret epilog prej 11 vjetësh.
