28 aktakuza dhe 12 të ndaluar brenda 24 orëve, raporti i Prokurorit të Shtetit

Njëzet e tetë aktakuza ndaj 33 personave janë ngritur brenda 24 orëve të fundit në Kosovë, sipas raportit ditor të Prokurorit të Shtetit. Të gjithë ata dyshohen për vepra të ndryshme penale.

Aktakuzat janë ngritur nga Prokuroritë Themelore dhe nga Prokuroria Speciale, thuhet në raportin 24-orësh.

Në të njëjtën periudhë, me urdhër të Prokurorit të Shtetit janë ndaluar 12 persona të dyshuar për kryerjen e veprave penale. Ndaj dy prej personave të përfshirë në këto procedura janë parashtruar kërkesa për caktimin e masës së paraburgimit, ndërsa për një të dyshuar tjetër prokuroria ka kërkuar arrest shtëpiak.

Vendimet për këto kërkesa i takojnë gjykatës. Deri në një vendim përfundimtar gjyqësor, të gjithë personat e përfshirë mbeten të dyshuar dhe përfitojnë nga prezumimi i pafajësisë.