ReklamëHapësirë reklame
ReklamëHapësirë reklame
Reklamë
Kryetari i Prishtinës, Përparim Rama, është thirrur për intervistim nga Prokuroria Speciale për projektin "Arkitekti i Kryeqytetit", një kontratë 12 milionë euro e shoqëruar me dyshime për konflikt interesi.
Një kontratë prej 12 milionë eurosh për projektin "Arkitekti i Kryeqytetit" e ka çuar kryetarin e Komunës së Prishtinës, Përparim Rama, para prokurorëve. Rama është ftuar për intervistim në Prokurorinë Speciale dhe seanca pritet të nisë në orën 13:00, sipas gazetës Nacionale.
Intervistimi përqendrohet te procedurat e prokurimit publik të ndjekura për këtë projekt në kryeqytet, te vlera e lartë e kontratës, si dhe te dyshimet për manipulim stafi dhe konflikt interesi. Ftesa për intervistim nuk e bën Ramën të akuzuar.
Thirrja nuk erdhi pa paralajmërim. Vetëm pak ditë më parë, pas ndryshimeve në krye të Prokurorisë Speciale, deputeti i VV-së, Egzon Azemi, i kishte dërguar kryetarit një mesazh të shkurtër në profilin e tij në Facebook: "Përparim Rama… tik tak, tik tak…".
Në ditën e tretë të protestave për vrasjen e Arlinda Zekajt, turma hodhi tymuese para Ministrisë së Drejtësisë dhe kërkoi largimin e ministres Donika Gërvalla. Ministrja dhe kolegu i saj Xhelal Sveçla pranuan dështimin institucional, por refuzuan të japin dorëheqje.
