ReklamëHapësirë reklame
ReklamëHapësirë reklame
Reklamë
Dokumenti që çoi kryebashkiakun Erion Veliaj drejt burgut të Fierit nuk do të bëhet publik. Drejtoria e Përgjithshme e Burgjeve e ka klasifikuar si "sekret shtetëror" dhe e cilëson transferimin si "procedurë standarde".
Urdhri me të cilin kryebashkiaku Erion Veliaj u transferua drejt burgut të Fierit është klasifikuar "sekret shtetëror" dhe, për këtë arsye, nuk mund të vihet në dispozicion. Kështu deklaroi të enjten Drejtoria e Përgjithshme e Burgjeve.
Në një njoftim për shtyp, institucioni e quajti transferimin një "procedurë standarde", duke mos lënë hapësirë për të parë arsyet konkrete që e motivuan zhvendosjen. Me klasifikimin e dokumentit, përmbajtja e urdhrit mbetet jashtë kontrollit publik.
Qëndrimi i Drejtorisë vjen pasi vetë Veliaj e kishte akuzuar Policinë e Burgjeve për "rrëmbim policor" gjatë transferimit drejt Fierit. Deri tani nuk dihet nëse urdhri do të kundërshtohet ligjërisht apo nëse klasifikimi i tij do të rishikohet.
Një javë pasi kishte vendosur ta çonte gjykimin përpara pa avokatë, GJKKO ndryshoi drejtim: ish-Presidenti Ilir Meta dhe Monika Kryemadhi do të kenë mbrojtës të caktuar nga vetë gjykata.
