Sulm me armë në një palestër të Podgoricës: i maskuari qëlloi 49-vjeçarin

Rreth orës 21:00 të mbrëmjes, në palestrën „Colosseum Gym“ në rrugën Seleme Maljeviq në Podgoricë, një person me fytyrë të maskuar iu afrua një burri dhe shtiu me armë zjarri drejt tij. Plumbi e goditi në këmbë.

Viktima është identifikuar nga Drejtoria e Policisë së Malit të Zi vetëm me inicialet D.R. dhe moshën 49 vjeç. "Sipas njohurive të mbledhura deri tani, personit të dëmtuar D.R. (49) i është afruar në palestër një person i maskuar dhe ka shtënë me armë zjarri në drejtimin e tij, me ç'rast i dëmtuari ka pësuar lëndim në zonën e këmbës", thuhet në komunikatën e policisë.

I plagosuri u dërgua për ndihmë mjekësore dhe, sipas policisë, nuk është në rrezik për jetën. Kush ishte sulmuesi i maskuar dhe pse u qëllua brenda palestrës mbetet ende e paqartë.

"Zyrtarët e Sektorit të Sigurisë në Podgoricë ndodhen në vendin e ngjarjes dhe po ndërmarrin masa dhe veprime për ndriçimin e të gjitha rrethanave të kësaj ngjarjeje, për të cilat publiku do të njoftohet me kohë dhe në faza", përfundon komunikata e Drejtorisë së Policisë.