"Ju erdhi fundi!": Tirana në protestë, thirrje kundër qeverisë Rama dhe përplasje me policinë

"Ju erdhi fundi!" Thirrja jehon vazhdimisht mes turmës në Tiranë, ku protesta qytetare vijon dhe mesazhet kundër qeverisë së kryeministrit Edi Rama janë intensifikuar.

Protestuesit kanë ashpërsuar qëndrimet e tyre jo vetëm ndaj qeverisë, por edhe ndaj klasës politike në tërësi. Një tjetër thirrje që dëgjohet nga radhët e tubuesve është "Lironi çunat!".

Paralelisht, qytetarët e mbledhur u janë drejtuar edhe kalimtarëve dhe atyre që vijojnë të afrohen drejt zonës së protestës, duke kërkuar pjesëmarrje më të gjerë. "Bashkohuni me ne!", është thirrja që u drejtohet atyre.

Tubimi zhvillohet në kuadër të asaj që protestuesit e quajnë rezistencë qytetare. Më herët gjatë protestës janë shënuar tensione dhe përplasje me forcat e policisë, ndërsa nuk është bërë publik ndonjë bilanc i të ndaluarve apo i të lënduarve.