AdvertisementAd space
AdvertisementAd space
Reklamë
Një i mitur mbeti i vdekur të hënën në mëngjes në Sukoshan të Kroacisë, pasi humbi kontrollin e motoçikletës në një kthesë dhe u përplas fillimisht në një mur guri e më pas në një pemë.
Një kthesë djathtas në hyrje të vendbanimit Sukoshan, në rrethinat e Zadarit, u bë e fundit për një motoçiklist të mitur. Ai humbi kontrollin mbi motoçikletën, doli nga rruga, u përplas në një mur guri të thatë dhe më pas në një pemë. I mituri humbi jetën në vend.
Sipas policisë së Zadarit, njoftimi për aksidentin u pranua rreth orës 6:00 të mëngjesit të së hënës. Rezultatet e këqyrjes së vendngjarjes tregojnë se përplasja ndodhi në Rrugën 18 Shtator, në një orë të paditur të mëngjesit. I mituri drejtonte një motoçikletë me targa të Zadarit.
Për shkak të këqyrjes, qarkullimi në atë rrugë u ndërpre plotësisht nga ora 6:34 deri në orën 8:00.
Policia njoftoi se për ngjarjen do të paraqesë raport të veçantë pranë prokurorisë kompetente shtetërore.
Një autobus turistik holandez me 45 pasagjerë u përplas me barrierën mbrojtëse në rrugën Zernez-Susch, doli nga rruga dhe përfundoi i përmbysur. Policia Kantonale e Graubündenit e ka cilësuar rastin si vetaksident, ndërsa shkaqet mbeten në hetim.
