ReklamëHapësirë reklame
ReklamëHapësirë reklame
Reklamë
Ndërmarrja që duhet të mbajë pastër Deçanin u kap duke depozituar mbeturina pa pëlqim mjedisor, pikërisht aty ku ka selinë. Përveç gjobës, ajo është urdhëruar të ndalë hedhjet dhe ta pastrojë lokacionin.
Ilustrim i krijuar me inteligjencë artificiale. Nuk është fotografi e ngjarjes. Si e përdorim AI-në
Ndërmarrja Publike Lokale “Higjena” në Deçan, e ngarkuar me menaxhimin e mbeturinave, është gjobitur me 2 mijë euro për depozitimin e mbeturinave pa pëlqim mjedisor dhe pa dokumentacionin e nevojshëm ligjor.
Gjobën e ka shqiptuar javën e kaluar Inspektorati i Ministrisë së Mjedisit dhe Planifikimit Hapësinor. Sipas ministres së këtij resori, e cila e bëri të ditur rastin përmes një postimi, ndërmarrja kishte hedhur mbeturina inerte dhe lloje të tjera mbeturinash në lokacionin ku ndodhet vetë selia e saj.
Masa nuk ndalet te gjoba. Ndërmarrja është urdhëruar të ndërpresë menjëherë depozitimin e mbeturinave dhe të pastrojë gjithçka që është hedhur në atë vend.
“Mbrojtja e mjedisit kërkon zbatim të ligjit dhe përgjegjësi nga secili”, ka shkruar ministrja.
Tetë gëzhoja dhe një fishek u gjetën në rrugën "Fitorja" në Hajvali të Prishtinës pas të shtënave me armë zjarri natën e së dielës. Policia bastisi shtëpitë e dy të dyshuarve, por nuk gjeti asgjë të dyshimtë.
