Zjarr masiv përfshin një qendër të madhe tregtare në Fushë-Kosovë, punëtorët evakuohen

Një zjarr i përmasave të mëdha ka shpërthyer pasditen e sotme në një qendër të madhe tregtare në Fushë-Kosovë, buzë magjistrales që lidh këtë qytet me Prishtinën.

Punëtorët e objektit janë evakuuar në kohë dhe nuk raportohet për të lënduar mes tyre. Në vendin e ngjarjes kanë arritur njësitë e policisë dhe zjarrfikësit, të cilët po punojnë për shuarjen e flakëve.

Zjarri u përhap shpejt dhe dëmi material pritet të jetë jashtëzakonisht i madh. Sipas burimeve, shkak i zjarrit ka qenë energjia elektrike, por ky version ende nuk është konfirmuar nga autoritetet.

Emri i qendrës tregtare nuk është bërë i ditur, ndërsa policia dhe shërbimi zjarrfikës nuk kanë dhënë ende një deklaratë për rrethanat e ngjarjes.