ReklamëHapësirë reklame
ReklamëHapësirë reklame
Reklamë
Ndërsa Serbia voton, policia e misionit evropian në Kosovë ka shtuar praninë e saj pranë pikave kryesore të kalimit kufitar. EULEX e ka bërë këtë në koordinim me Policinë e Kosovës dhe KFOR-in.
Patrulla shtesë të EULEX-it janë vendosur që nga orët e hershme të së dielës në afërsi të pikave kryesore të kalimit ndërmjet Kosovës dhe Serbisë, në ditën kur në Serbi po mbahen zgjedhjet.
Misioni i Bashkimit Evropian për Sundimin e Ligjit në Kosovë ka angazhuar për këtë qëllim Njësinë e tij Policore të Specializuar. Sipas EULEX-it, synimi është monitorimi i situatës së sigurisë në terren gjatë gjithë procesit zgjedhor në vendin fqinj.
Aktiviteti nuk po zhvillohet i izoluar. Misioni thotë se po vepron në koordinim me Policinë e Kosovës dhe me misionin e KFOR-it, të udhëhequr nga NATO-ja, në kuadër të mekanizmit trenivelësh të reagimit të sigurisë.
Prania e shtuar në terren, sipas EULEX-it, ka për qëllim të mundësojë përcjelljen nga afër të zhvillimeve dhe koordinimin e drejtpërdrejtë ndërmjet strukturave përkatëse të sigurisë derisa të përmbyllet votimi në Serbi.
Një burrë u hipi në veturë dy personave dhe përfundoi i grabitur nën kërcënimin e thikës pranë një pylli në Lipjan. Një mashkull dhe një femër, të dyshuar për veprën, kërkohen nga Policia.
