Xhelozia shpërthen në dhunë në Gjakovë: burri kërkon urdhër mbrojtës nga partnerja

Një skenë xhelozie brenda mureve të shtëpisë ka përfunduar me një burrë që kërkon mbrojtje nga drejtësia. Në Gjakovë, policia ka raportuar se një qytetar u sulmua fizikisht nga gruaja me të cilën bashkëjeton, ndërsa ndodhej në banesë.

Sipas raportit të policisë, motivi i dyshuar i sulmit është xhelozia. "Dyshohet se viktima m/k derisa ka qenë në shtëpi për shkak të xhelozisë ishte sulmuar fizikisht nga e dyshuara f/k me të cilën është duke bashkëjetuar", thuhet në njoftim.

Burri ka marrë ndihmë mjekësore dhe ka kërkuar një urdhër mbrojtës kundër partneres. Gruaja u arrestua, por nuk mbeti gjatë në pranga: "Viktima ka pranuar tretman mjekësor dhe ka kërkuar urdhër mbrojtës ndërsa e dyshuara është arrestuar dhe pas intervistimit me urdhër të prokurorit është liruar në procedurë të rregullt", shkruan policia.

Rasti tani vijon në procedurë të rregullt, ndërsa mbetet që gjykata të vendosë për kërkesën e viktimës për urdhër mbrojtës. Nuk dihet ende se kur ndodhi saktësisht sulmi dhe sa të rënda janë lëndimet e burrit.