Vushtrri: arrestohet për bashkëjetesë me një të mitur, lirohet pas konsultimit me prokurorin

Një person i dyshuar për bashkëjetesë me një vajzë të mitur u arrestua në Vushtrri, por nuk mbeti gjatë në duart e policisë: pas konsultimit me prokurorin, ai është liruar dhe rasti do të trajtohet në procedurë të rregullt.

Sipas raportit të policisë, rasti është regjistruar dje rreth orës 15:00. I dyshuari ngarkohet me dyshimin për veprën penale "Bashkësia jashtëmartesore me personin nën moshën gjashtëmbëdhjetëvjeçare".

Policia bën të ditur se vajza, pasi është intervistuar, është kthyer te familja e saj.

Hetimet për rastin vazhdojnë nga organet kompetente.