Vuçiç njofton dorëheqjen nga presidenca e Serbisë më 27 shtator

Aleksandër Vuçiç ka lajmëruar largimin e tij nga posti më i lartë i shtetit serb. Në një deklaratë për mediat serbe, presidenti i Serbisë tha se dorëheqjen do ta japë më 27 shtator dhe se po atë mbrëmje do të dalë para qytetarëve.

"Dua t'ju njoftoj se më 27 shtator do të jap dorëheqjen nga posti i presidentit. Atë mbrëmje do t'u drejtohem qytetarëve dhe do t'i falënderoj për mbështetjen. Kam qenë presidenti i Republikës për kohën më të gjatë që nga vendosja e sistemit shumëpartiak në vendin tonë. Këtë nuk do të mund ta bëja pa qytetarët e këtij vendi. E vetmja gjë që mund të them është se i kam shërbyer me besnikëri Serbisë dhe qytetarëve të saj, me përkushtim dhe duke luftuar", u shpreh Vuçiç.

Njoftimi vjen në sfondin e protestave masive në Serbi. Ende nuk është bërë e ditur se çfarë procedure do të ndiqet pas dorëheqjes dhe as nuk ka reagime publike të institucioneve serbe për hapin e njoftuar.