Vetura bie nga ura në qendër të Vushtrrisë, shoferi dërgohet me urgjencë në spital

Një veturë ka përfunduar poshtë një ure në qendër të Vushtrrisë, pasi shoferi i saj humbi kontrollin mbi automjetin. Ngjarja trajtohet si vetaksident i rëndë trafiku.

Nga aksidenti ka pësuar vetë shoferi, i cili u dërgua me urgjencë në spital. Për gjendjen e tij shëndetësore nuk është bërë ende e ditur asgjë.

Njësitë e policisë kanë dalë në vendin e ngjarjes dhe po kryejnë ekzaminimet e nevojshme për të sqaruar rrethanat e rënies së automjetit nga ura.