ReklamëHapësirë reklame
ReklamëHapësirë reklame
Reklamë
Nga 21 shtatori deri më 2 tetor 2026, kolona automjetesh të Forcës së Sigurisë së Kosovës do të dalin nga vendbazimet drejt katër komunave. Arsyeja: ushtrimi fushor me aleatët amerikanë, kroatë dhe shqiptarë.
Banorët e Drenasit, Obiliqit, Fushë Kosovës dhe Prishtinës do të shohin dy javë me radhë lëvizje të shtuara të automjeteve ushtarake. Forca e Sigurisë së Kosovës ka bërë të ditur se nga 21 shtatori deri më 2 tetor 2026 zhvillohet ushtrimi fushor "VALOR SHIELD 2026".
Në ushtrim marrin pjesë FSK-ja, Policia e Kosovës dhe ushtritë partnere nga SHBA-ja, Kroacia dhe Shqipëria. Lëvizjet do të nisin nga vendbazimet e FSK-së drejt katër komunave të lartpërmendura.
"Njoftojmë të gjithë qytetarët e Republikës së Kosovës se nga data 21 shtator deri më 02 tetor 2026 Forca e Sigurisë së Kosovës, Policia e Kosovës dhe ushtritë partnere nga SHBA, Kroaci dhe Shqipëri do të realizojnë ushtrimin fushor 'VALOR SHIELD 2026'. Gjatë kësaj periudhe do të ketë lëvizje të automjeteve nga vendbazimet e FSK-së në drejtim të komunave të Drenasit, Obiliqit, Fushë Kosovës dhe Prishtinës. Kjo lëvizje do të bëhet me qëllim të realizimit të ushtrimit andaj kërkojmë mirëkuptim nga qytetarët", thuhet në njoftimin e FSK-së.
Institucioni ka kërkuar mirëkuptim nga qytetarët pikërisht për shkak të qarkullimit të makinerisë nëpër këto komuna gjatë periudhës dyjavore të stërvitjes.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
