Tuzi: Dy të arrestuar për këmbim valutor pa leje, kapen mbi 10.000 euro në disa valuta

Policia në Mal të Zi ka arrestuar dy persona në Tuzi, të dyshuar se merreshin në mënyrë të paautorizuar me veprimtari bankare, konkretisht me këmbimin e valutës jashtë çdo lejeje.

Sipas informacioneve jozyrtare, të arrestuarit janë Nedžad Pepić dhe Maraš Dušaj. Tek ata u gjet një sasi e konsiderueshme parash në euro, dollarë, funta, lekë dhe monedha të tjera, me një vlerë të përgjithshme mbi 10.000 euro.

Njëri prej të arrestuarve u kap teksa këmbente valuta, ndërsa tjetri, sipas të njëjtave burime, u ka pranuar inspektorëve se merrej me këmbim të palejuar të valutës. Megjithatë, prokuroria ende po vlerëson nëse në veprimet e tyre ka elemente të veprës penale.

Aksioni ishte pjesë e një kontrolli të synuar ndaj këmbyesve ilegalë. "'Vijesti' mëson se aksioni i kontrollit të këmbyesve ilegalë ishte i synuar dhe se u zhvillua në zonën e Podgoricës dhe Tuzit", shkroi gazeta malazeze që bëri publik lajmin.