Trump: Kim Jong Un u përgjigj "shumë pozitivisht" për bisedime, dialogu e bën rajonin më të sigurt

Presidenti amerikan Donald Trump ka deklaruar se lideri i Koresë së Veriut, Kim Jong Un, iu përgjigj "shumë pozitivisht" (very positively) një kërkese për bisedime, duke sinjalizuar një mundësi për ridialog mes Uashingtonit dhe Phenianit.

Sipas Trumpit, komunikimi me Kimin e bën rajonin "më të sigurt" (safer). Ai e lidhi drejtpërdrejt dialogun me stabilitetin e Koresë së Jugut.

Në një hap konkret drejt uljes së tensioneve, të dielën Trump zvogëloi në minutën e fundit stërvitjet ushtarake që Shtetet e Bashkuara zhvillojnë me Korenë e Jugut. Manovrat e përbashkëta ushtarake amerikano-jugkoreane janë prej kohësh një çështje e ndjeshme që Pheniani i ka konsideruar provokuese.

Për momentin nuk dihet ende data apo vendi i mundshëm i një takimi mes dy liderëve, as përmbajtja e saktë e kërkesës për bisedime.