ReklamëHapësirë reklame
ReklamëHapësirë reklame
Reklamë
Ndërsa blokada ushtarake amerikane mbi Iranin i afrohet gjashtë muajve pa asnjë marrëveshje paqeje, presidenti Donald Trump shpalli nga një tubim se e sheh rrugën jetike detare të naftës si “territor amerikan”.
Donald Trump e cilësoi të premten Ngushticën e Hormuzit si “një territor amerikan”, ndërsa forcat e SHBA-së vazhdojnë blokadën ushtarake ndaj anijeve dhe porteve të Iranit dhe administrata e tij përpiqet të mbyllë luftën me këtë vend.
“As nuk e dimë nëse fituam, sepse unë e shoh Ngushticën e Hormuzit si territor amerikan tani për tani”, tha Trump para një turme në Karolinën e Jugut. Ai po bënte fushatë për senatoren Darline Graham, e cila synon ta zërë përfundimisht vendin në Senat të vëllait të saj të ndjerë, senatorit Lindsey Graham.
Më vonë gjatë fjalimit, presidenti amerikan bëri shaka për bombardimin e Iranit. “Është një mbrëmje e premteje. Kemi kohë me bollëk”, tha ai, para se të recitonte “Gjarpri”, një poezi që përdor shpesh në tubime elektorale për të nënvizuar politikat e tij kundër emigracionit. “Çfarë dreqin duhet të bëj? Të kthehem e ta bombardoj Iranin edhe pak?”
Deri të premten, forcat amerikane kishin devijuar 68 anije tregtare për t’u përshtatur me blokadën, njoftoi Komanda Qendrore e SHBA-së (Centcom) përmes një postimi në rrjetet sociale.
Uashingtoni dhe Teherani nuk kanë arritur të negociojnë një marrëveshje paqeje, teksa konflikti i afrohet kufirit të gjashtë muajve. Administrata Trump kërkon ta shtrëngojë financiarisht Iranin duke kufizuar aksesin në Ngushticën e Hormuzit, një rrugë detare jetike për eksportet e naftës së këtij vendi. Rreth një e pesta e furnizimit botëror me naftë që transportohet nga deti kalon zakonisht përmes kësaj ngushtice, e cila kufizohet nga Irani dhe Omani.
Javën e kaluar Trump kishte kërcënuar se do ta shpallte ngushticën territor amerikan. “Në thelb, kjo është ajo që është. Kemi blokadën. Asnjë anije nuk kalon, veç nëse ne duam”, tha ai gjatë një fjalimi në një akademi policore në Nju Jork.
“Ne e kontrollojmë me blokadën, dhe më pëlqen ideja për ta shpallur territor”, u tha ai gazetarëve të hënën kur u pyet për atë koment. Ai postoi gjithashtu në rrjetet sociale imazhin e një harte që e etiketonte këtë rrugë ujore si “territor të ri amerikan”.
Zëvendësministri i Jashtëm i Iranit, Kazem Gharibabadi, i hodhi poshtë komentet e Trumpit si “iluzione”.
Invalidët e UÇK-së, familjarët e dëshmorëve dhe të të zhdukurve, si dhe viktimat e dhunës seksuale gjatë luftës që jetojnë jashtë vendit lirohen nga tarifat për dokumente. Vendimi i MPJD-së është në fuqi që nga 14 tetori 2026.
