Tragjedi në Shëngjin: 18-vjeçari nga Kosova gjendet pa shenja jete në ujë te Kuna

Zona e Kunes, në Shëngjin, u kthye në vendngjarje pasi një 18-vjeçar nga Kosova u gjet pa shenja jete në ujë. I riu humbi jetën, ndërsa rrethanat e sakta të ngjarjes mbeten ende të pasqaruara.

Hetimi po ndjek dy pista për shkakun e vdekjes: nëse 18-vjeçari u mbyt në det, apo nëse pësoi arrest kardiak gjatë kohës që ndodhej në ujë. Përgjigjen pritet ta japë ekspertiza mjeko-ligjore.

Trupi i pajetë është transportuar në morgun e Lezhës, ku do të kryhet ekzaminimi për përcaktimin e saktë të shkakut të vdekjes. Policia ka nisur hetimet për zbardhjen e plotë të rrethanave në të cilat i riu përfundoi në ujë.

Identiteti i viktimës nuk është bërë publik.