ReklamëHapësirë reklame
ReklamëHapësirë reklame
Reklamë
Një helikopter privat u rrëzua gjatë përpjekjes për ulje në ishullin grek të Sifnos, duke marrë jetën e gjashtë personave. Pas përplasjes shpërtheu një zjarr, ndërsa mjeti përfundoi pranë shtëpive të banimit.
Gjashtë persona humbën jetën pasi një helikopter privat u rrëzua pranë heliportit të Sifnos, në zonën e Tholos, në Greqi. Sipas informacioneve paraprake, mjeti kishte nisur nga Markopoulo dhe u përplas gjatë përpjekjes për t'u ulur në ishull.
Ndër viktimat janë piloti dhe pesë pasagjerët që ndodheshin në bord. Menjëherë pas rrëzimit shpërtheu një zjarr, ndërsa helikopteri përfundoi pranë banesave, çka rrezikoi edhe zonën e banuar përreth.
Në vendngjarje mbërritën forcat zjarrfikëse dhe ekipet e shpëtimit, të cilat nisën operacionet për shuarjen e flakëve dhe nxjerrjen e personave nga rrënojat.
Autoritetet greke kanë nisur hetimet për të zbardhur shkaqet e rrëzimit. Identitetet e viktimave dhe rrethanat e sakta të aksidentit ende nuk janë bërë publike.
Gurë kalldrëmi të shkulur nga Parku Rinia, gaz lotsjellës dhe mbi 100 të arrestuar: protestat kundër qeverisë në Shqipëri hynë në ditën e shtatë pa asnjë shenjë qetësimi. Kryeministri Rama i quan pjesë të një sulmi të koordinuar, ndërsa protestuesit fajësojnë policinë për dhunën.
