Tragjedi në Alaskë: Rrëzohet avioni pranë një radari ushtarak, tetë të vdekur

Tetë persona humbën jetën kur një avion u rrëzua pranë një radari të izoluar në pjesën perëndimore të Alaskës. Sipas ushtrisë amerikane, të gjithë ata që ndodheshin në bord vdiqën në aksident, i cili ndodhi një ditë më parë.

Radari ku ndodhi tragjedia administrohet nga një njësi e forcave ajrore amerikane dhe është pjesë e një rrjeti radarësh të largët që mbikëqyrin fluturimet në hapësirën ajrore të Alaskës dhe përgjatë kufijve të saj, bëri të ditur ushtria.

Gjenerallejtnanti Robert Davis nga forcat ajrore amerikane i cilësoi tetë personat në bord si "profesionistë të përkushtuar, që kryenin një mision jetik në një mjedis kërkues". Nuk është bërë e ditur se çfarë pune konkrete kryenin ata.

Avioni është përshkruar si një "avion i marrë me qira sipas një kontrate civile".