ReklamëHapësirë reklame
ReklamëHapësirë reklame
Reklamë
Deputetja e PDK-së, Ganimete Musliu, është përplasur me sigurimin e Kuvendit në holl, ndërsa kolegia e saj Vlora Çitaku thotë se do të ndërmarrë masa në Inspektoratin Policor të Kosovës për cenim të integritetit fizik të deputetëve.
Sherri politik në Kuvendin e Kosovës është zhvendosur nga salla në holl. Deputetja e Partisë Demokratike të Kosovës (PDK), Ganimete Musliu, është përplasur sot me sigurimin e Kuvendit, duke i cilësuar të turpshme veprimet e ushtruara një ditë më parë ndaj saj dhe deputetëve të tjerë të partisë.
Musliu iu drejtua sigurimit me fjalë të ashpra, duke bërë krahasim me Vetëvendosjen, të cilën e akuzoi se dikur sulmonte policinë. "Që për do diktator me na sulmu neve marre ju koftë. U dashtë me na tregu urdhërin kush ju ka shti dje në sallë, edhe zgërdhihni na përcjellni nëpër holl të Kuvendit, marre duhet e me ju ardh. Po juve duet me ju rreh si ata me tulla për me na respektu", tha ajo.
Një ditë më parë, deputetja e PDK-së, Vlora Çitaku, kishte reaguar po ashtu pas zhvillimeve në sallën e Kuvendit, të cilat i quajti skena të pakëndshme. Sipas saj, disa deputetë ishin të shoqëruar nga pjesëtarë të sigurimit dhe mbrojtjes së afërt, që kishin cenuar integritetin fizik të disa deputetëve të PDK-së.
"Sot pamë edhe disa shfaqje jo të këndshme në Kuvend. Kishte deputetë të shoqëruar nga pjesëtarë të sigurisë, mbrojtjes së afërt, të cilët cenuan edhe integritetin fizik të disa prej deputetëve të PDK-së. Për këtë çështje do të ndërmarrim masa në IPK", deklaroi Çitaku para mediave, duke iu referuar Inspektoratit Policor të Kosovës.
Invalidët e UÇK-së, familjarët e dëshmorëve dhe të të zhdukurve, si dhe viktimat e dhunës seksuale gjatë luftës që jetojnë jashtë vendit lirohen nga tarifat për dokumente. Vendimi i MPJD-së është në fuqi që nga 14 tetori 2026.
