Të shtëna në një shkollë të mesme në Filipine: dy të vdekur, mes tyre sulmuesi

Një sulmues hapi zjarr të martën brenda një shkolle të mesme në qytetin Zamboanga, në jug të Filipineve, duke lënë të paktën dy të vdekur, sipas një zyrtari vendor.

Kryebashkiaku Khymer Adan Olaso deklaroi për radion DZMM se të dy viktimat ishin nxënës dhe se mes tyre ishte edhe vetë sulmuesi.

Zëdhënësja e policisë rajonale, Shellamie Chang, tha se forcat e policisë po përpiqeshin të siguronin kampusin e shkollës, por nuk mund të jepte menjëherë detaje të tjera.

Sipas dëshmitarëve, ngjarja ndodhi në shkollën e mesme Ateneo de Zamboanga. Gazetarë të pranishëm në vendngjarje thanë se i dyshuari ishte një nxënës i klasës së shtatë, i cili hapi zjarr brenda një klase.