ReklamëHapësirë reklame
ReklamëHapësirë reklame
Reklamë
Të shtëna me armë zjarri kanë rikthyer tensionin në lagjen Rus të Shkodrës, ku mbeti i plagosur një burrë që një vit e gjysmë më parë ishte dhunuar rëndë në të njëjtën zonë për një vend parkimi.
Të shtëna me armë zjarri janë regjistruar sot në lagjen Rus të Shkodrës, ku mbeti i plagosur Vladimir Bruçi, një emër i njohur më parë për policinë. Rrethanat e sakta të ngjarjes së sotme dhe gjendja shëndetësore e të plagosurit ende nuk janë bërë të ditura zyrtarisht.
Bruçi kishte qenë viktimë e dhunës edhe më parë. Më 3 qershor 2024, në po të njëjtën lagje, ai u dhunua me sende të forta nga gjashtë persona pas një konflikti për një vend parkimi.
Për atë ngjarje, Gjykata e Shkodrës la në burg tre persona. Izmir Sakica u dënua me katër vite burg, që me gjykim të shkurtuar i reduktohej në dy vite e tetë muaj; Samuel Troshani u dënua me 16 muaj burg dhe Arlind Kajoshi po ashtu me 16 muaj burg.
Konflikti nuk mbeti me kaq. Rreth tre muaj pas dhunimit të Vladimir Bruçit, i biri i tij, Alban Bruçi, qëlloi katër herë me armë zjarri drejt makinës së Arlind Kajoshit, njërit prej personave të dënuar për dhunën ndaj të atit.
Dy burra nga fshati Sinë dyshohet se u përplasën me dhunë me dy policë ndërsa po shoqëroheshin në komisariat. Në të njëjtin bulevard të Peshkopisë, një 36-vjeçar u kap me thikë dhe shufër metalike.
