ReklamëHapësirë reklame
ReklamëHapësirë reklame
Reklamë
Pesë minuta para se Presidentja e Komisionit Evropian të zbresë në Prishtinë, një grup të rinjsh do të jetë në aeroport me parulla kundër verdiktit të Gjykatës Speciale në Hagë. Organizatorët premtojnë një protestë pa dhunë dhe pa provokime.
Një grup të rinjsh ka paralajmëruar protestë në Aeroportin Ndërkombëtar të Prishtinës "Adem Jashari", pikërisht në kohën kur aty pritet të mbërrijë Presidentja e Komisionit Evropian, Ursula von der Leyen.
Sipas njoftimit të organizatorëve, tubimi nis në orën 12:00 të 1 tetorit 2026. Vetëm pesë minuta më vonë, në orën 12:05, von der Leyen pritet të arrijë në sallën VIP të aeroportit, pas qëndrimit të saj në Shqipëri.
Shkak i protestës është verdikti i Gjykatës Speciale në Hagë, të cilin organizatorët e cilësojnë "antihistorik". "Pas verdiktit antihistorik të Gjykatës Speciale në Hagë, rinia do të shprehë në mënyrë paqësore qëndrimin e saj për drejtësinë, historinë dhe dinjitetin e Kosovës", thuhet në njoftim.
Organizatorët këmbëngulin në karakterin paqësor të tubimit. Protesta, sipas tyre, do të zhvillohet "me parulla dhe mesazhe qytetare, pa dhunë dhe pa provokime". Njoftimi përmbyllet me thirrjen: "Pa dhunë. Pa provokime. Me dinjitet dhe qytetari." dhe me mesazhin se "zëri i rinisë dëgjohet më fuqishëm kur shprehet paqësisht dhe me dinjitet".
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
