Tavolinë për të zhdukurit: Ferdonije Qerkezi në marshimin e Gjakovës kundër verdiktit

Mes protestuesve që marshuan sonte nëpër Gjakovë, një gjest u dallua nga të tjerët: nëna Ferdonije Qerkezi shtroi një tavolinë me ushqime, për veten, por edhe për burrin dhe djemtë e saj, të zhdukur gjatë luftës në Kosovë.

Qerkezi, e cila prej vitesh bart peshën e kujtesës për familjen e saj të prekur nga lufta, u bë pjesë e marshimit të organizuar në mbështetje të ish-pjesëtarëve të Ushtrisë Çlirimtare të Kosovës, pas aktgjykimit dënues që Specialja shqiptoi ndaj drejtuesve të UÇK-së.

Protesta u zhvillua nën moton "Jo në emrin tim". Pjesëmarrësit i shprehën mbështetje çlirimtarëve në Hagë dhe e cilësuan dënimin të padrejtë. Marshimi u përmbyll me flakadanë.

Gjakova iu bashkua kështu valës së tubimeve që po zhvillohen në Kosovë si reagim ndaj vendimit të gjykatës me seli në Hagë.