ReklamëHapësirë reklame
ReklamëHapësirë reklame
Reklamë
Protestat në Prishtinë kundër vendimit të Gjykatës Speciale në Hagë për ish-krerët e UÇK-së kanë marrë një zë të re: studentët u mblodhën para objektit të Qeverisë së Kosovës, me pankarta dhe thirrje.
Para objektit të Qeverisë së Kosovës në Prishtinë u mblodhën studentët, me pankarta në duar dhe thirrje në mbështetje të ish-krerëve të UÇK-së. Në mbishkrimet e ngritura lexohej "Jo në emër të studentëve" dhe "Liri dhe drejtësi për heronjtë tanë".
Nga turma dëgjohej edhe thirrja "O Hashim, ti ku je, krejt Kosovën këtu e ke!".
Protestat në kryeqytet kanë nisur nga dita e djeshme, pas vendimit të Gjykatës Speciale në Hagë lidhur me ish-krerët e UÇK-së. Që nga publikimi i vendimit, qytetarë, veteranë, studentë dhe grupe të ndryshme janë mbledhur në protesta, duke shprehur pakënaqësinë ndaj vendimit dhe duke kërkuar drejtësi për ish-krerët e UÇK-së.
Tubimi i studentëve tregon se vala e reagimeve nuk ka mbetur vetëm te organizatat e veteranëve, por po shtrihet edhe në grupe të tjera shoqërore në Prishtinë.
Ministria e Mbrojtjes e Serbisë promovoi një dokumentar që lartëson korpusin e Prishtinës, njësinë dy komandantët e së cilës u dënuan në Hagë për krime lufte. Në premierën në Nish ishte i pranishëm edhe njëri prej tyre, Vlladimir Llazareviqi.
