ReklamëHapësirë reklame
ReklamëHapësirë reklame
Reklamë
Pasi ministri i Brendshëm i Serbisë, Ivica Daçiq, e cilësoi aktgjykimin ndaj ish-krerëve të UÇK-së si konfirmim të vonuar të pretendimeve serbe, aktivistja Natasha Kandiq i kujtoi partinë e Millosheviqit dhe pesë vendlokacionet ku u gjetën trupat e shqiptarëve të vrarë.
Batajnica, Petrovo Sello, Rudnica, miniera e Kizhevakut dhe Liqeni i Peruçacit. Pesë emra vendesh në Serbi, të gjitha të lidhura me varrezat masive të shqiptarëve të vrarë gjatë luftës në Kosovë, janë përgjigjja që aktivistja serbe për të drejtat e njeriut, Natasha Kandiq, i dërgoi ministrit të Brendshëm të Serbisë, Ivica Daçiq.
Shkëndija ishte reagimi i Daçiqit pas aktgjykimit të Dhomave të Specializuara të Kosovës ndaj ish-krerëve të UÇK-së. Daçiq, njëkohësisht kryetar i Partisë Socialiste të Serbisë (SPS), e cilësoi vendimin e gjykatës në Hagë si një konfirmim të vonuar të pretendimeve të Serbisë se UÇK-ja ishte "organizatë kriminale dhe terroriste". Sipas tij, gjykata madje nuk shkoi mjaftueshëm larg, pasi i hodhi poshtë pikat e aktakuzës që lidhen me krimet kundër njerëzimit.
Kandiq zgjodhi rrjetin social X për t'iu kundërpërgjigjur, duke e kthyer debatin nga Haga drejt historisë së partisë së Daçiqit. "SPS = varre masive në Serbi", shkroi ajo, duke shtuar se bëhet fjalë për një fakt të vërtetuar dhe të konfirmuar nga vendimet gjyqësore.
Në postimin e datës 16 shtator 2026, në origjinal, ajo shkroi: "SPS= masovne grobnice u Srbiji Da podsetim ministra Dačića da je politika njegove Socijalističke partije Srbije rezultirala masovnim grobnicama ubijenih Albanaca u Batajnici, Petrovom selu, Rudnici, rudniku Kiževak i jezeru Perućac i to je presuđena činjenica." Në shqip: "SPS = varre masive në Serbi. Ta kujtoj ministrin Daçiq se politika e Partisë së tij Socialiste të Serbisë rezultoi me varre masive të shqiptarëve të vrarë në Batajnicë, Petrovo Sello, Rudnicë, minierën e Kizhevakut dhe Liqenin e Peruçacit, dhe kjo është një fakt i gjykuar."
Kandiq theksoi se këto raste janë dokumentuar dhe janë vërtetuar edhe përmes vendimeve gjyqësore. Partia Socialiste e Serbisë, të cilën Daçiq e drejton, u themelua dhe fillimisht u drejtua nga ish-presidenti serb, Slobodan Millosheviq.
Daçiq nuk është përgjigjur publikisht ndaj reagimit të Kandiqit.
Dy burra nga fshati Sinë dyshohet se u përplasën me dhunë me dy policë ndërsa po shoqëroheshin në komisariat. Në të njëjtin bulevard të Peshkopisë, një 36-vjeçar u kap me thikë dhe shufër metalike.
