ReklamëHapësirë reklame
ReklamëHapësirë reklame
Reklamë
Një cisternë që shpërtheu në oborrin e një biznesi në rrugën "Tahir Zemaj" i mori jetën Visar Muriqit. Më shumë se një vit më vonë, Gjykata Themelore në Pejë ka shpallur dënimin me katër vjet e gjashtë muaj burgim dhe 24 mijë euro gjobë për pronarin e kompanisë.
Vdekja e Visar Muriqit, i cili humbi jetën nga shpërthimi i një cisterne në hapësirat e biznesit "Delta Group" në Pejë, ka marrë epilogun e saj gjyqësor. Gjykata Themelore në Pejë e ka dënuar pronarin e kompanisë, Vesel Jusaj, me katër vjet e gjashtë muaj burgim dhe me 24 mijë euro gjobë.
Ngjarja kishte ndodhur më 11 tetor 2024, në rrugën "Tahir Zemaj" në Pejë. Policia kishte konfirmuar se njoftimi ishte marrë rreth orës 09:14, ndërsa në vendngjarje kishin dalë njësitet policore, zjarrfikësit dhe kryeprokurori. Vdekjen e një personi e kishte konfirmuar edhe Prokuroria e Pejës. Rasti kishte hapur menjëherë pyetjen e sigurisë në vendin e punës dhe kishte nxitur hetime pikërisht në këtë drejtim.
Hetimet u zhvilluan nga Njësia e Hetimeve Rajonale në Pejë dhe çuan te arrestimi i Jusajt, për të cilin u raportua më 23 tetor 2024. Në atë fazë ai dyshohej për veprën penale "Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës". Pas intervistimit, me urdhër të prokurorit, ai ishte dërguar në mbajtje.
Më pas, Gjykata Themelore në Pejë i caktoi një muaj paraburgim. Sipas gjykatës, masa llogaritej nga 23 tetori 2024, në bazë të aktvendimit me shenjën DP.PP.nr.548/24.
Pas vitesh pritjeje, mosmarrëveshja për qindra miliona euro të paguara nga buxhetet komunale arriti në fazën e parë dëgjimore. Drejtori ekzekutiv i AKK-së, Sazan Ibrahimi, thotë se niveli qendror as që u paraqit.
