Shenja në derën e dyqanit në Mitrovicë: "Ndalohet hyrja për EULEX dhe UNMIK"

Në derën e një dyqani veshjesh në Mitrovicë qëndron një shenjë e shkruar në shqip, anglisht dhe polonisht: hyrja ndalohet për pjesëtarët e EULEX-it dhe të UNMIK-ut, dy misioneve të huaja në Kosovë.

Autori i saj është Bekim Zeneli, pronar i biznesit me veshje në Mitrovicë. Ai e vendosi paralajmërimin pasi mori të mërkurën lajmin nga Haga, ku Gjykata Speciale i shpalli fajtorë dhe i dënoi me gjithsej 81 vjet burgim katër ish-krerët e UÇK-së: Hashim Thaçin, Kadri Veselin, Jakup Krasniqin dhe Rexhep Selimin.

Për KosovaPress, Zeneli tha se veprimin e ndërmori si shprehje pakënaqësie për dënimin e njerëzve kryesorë të UÇK-së. "Kjo pavarësisht unë e kam vendosur më shumë si një lloj frustrimi edhe një lloj simbolike, ide si ide qajo është se u ndjeva shumë i zhgënjyer me thanë shumë më doket është pak edhe nuk disha çka me bo diçka më shumë, normal ne nuk duhet me bo edhe diçka ma shumë por diçka kështu si në një lloj simbolike, se jo që diçka që është diçka e madhe, me shpreh vetëm pakënaqësinë me një fjalë tjetër, pakënaqësinë e kësaj që ka ndodhur atje", tha ai.

Zeneli shprehu frikën se dënimi i ish-udhëheqësve të UÇK-së do të lërë gjurmë te brezat e ardhshëm. "Kjo si ide nuk është diçka shumë, ide dmth diçka e madhe, por problemi ke frustrimi i madh, frustrimi që ajo gjykata normal që unë nuk ka nevojë njeri me qenë shumë i mençur e me ditë që ajo gjykatë nuk është gjykatë e drejtë e mirë, por problem është që nuk kanë bo kurrgjë që me i dënuar, nuk është kurrgjë dënimi individi, unë si individ mendoj që kjo ka me pas pasoja të mëdha edhe në të ardhmen, p.sh. si shtet, ne të gjithë lexojmë edhe mos lexofshim shikojmë filma, Ismail Qemajli që e shikojmë të gjithë e jemi rrit me atë film edhe tash dëgjojmë për Ismail Qemajlin që ka kryer shkollë në atë kohë, tash kur nipat e stërnipat tonë dëgjojnë se Hashim Thaçi e ka shpallur e tash e kanë bërë kriminel, një kriminel ta ka shpallur ty pavarësinë, kjo dmth shumë mas 100 vite, po tash në këtë kohë del, fol ti me dikon, i thu prano si shtet ose i thua jam Kosovar, nuk ka me të bo hesap si njeri, ashtu unë thom tash nuk na bojnë hesap si njerëz, tash shumë më të vështirë kemi me pas kur prezantohemi si kosovar", tha Zeneli.

Vetë ai sqaron se askush nuk do të kthehet nga dera. Pjesëtarët e EULEX-it dhe të UNMIK-ut mund të hyjnë lirisht në dyqan. "Kjo është vetëm simbolike, se jo që mundem me ndalu unë, më vjen keq me i thanë dikujt, pavarësisht edhe një serb me ardh këtu si njeri që jam me i thanë mos hi, kjo është më shumë simbolike, nuk i ndalë dikujt me hy, ajo është më shumë simbolike, që jam i pakënaqur", tha ai.