ReklamëHapësirë reklame
ReklamëHapësirë reklame
Reklamë
Ishin në klasë kur tavani ra mbi ta. Të paktën 18 nxënës, të gjithë nën 13 vjeç, dhe një mësues humbën jetën në Peshavar të Pakistanit, ndërsa disa fëmijë dyshohet se janë ende nën rrënoja.
Mësimi i së enjtes në mëngjes u kthye në tragjedi në Peshavar, qytet në veriperëndim të Pakistanit: tavani i një shkolle u shemb mbi klasat ndërsa nxënësit ishin brenda. Sipas autoriteteve, të paktën 18 nxënës dhe një mësues kanë humbur jetën.
Viktimat janë fëmijë të vegjël. Të gjithë nxënësit që vdiqën ishin nën moshën 13 vjeç, tha Mohammad Asim, zëdhënës i Spitalit Lady Reading në Peshavar.
Dyzet persona të tjerë janë plagosur dhe disa prej tyre besohet se ndodhen në gjendje kritike. Shqetësimi më i madh mbetet për disa fëmijë që dyshohet se kanë mbetur të bllokuar nën rrënoja, ndaj bilanci i viktimave nuk është ende përfundimtar.
Shkaku i shembjes nuk dihet ende.
Gurë kalldrëmi të shkulur nga Parku Rinia, gaz lotsjellës dhe mbi 100 të arrestuar: protestat kundër qeverisë në Shqipëri hynë në ditën e shtatë pa asnjë shenjë qetësimi. Kryeministri Rama i quan pjesë të një sulmi të koordinuar, ndërsa protestuesit fajësojnë policinë për dhunën.
