Rruga e fshehtë e armëve: nga vjedhjet në Kosovë te krimi i organizuar në Shqipëri

Armë që dyshohet se vidhen në Kosovë, kalojnë kufirin dhe përfundojnë në duart e grupeve të krimit të organizuar në Shqipëri. Kjo është gjurma që ndjek një reportazh ekskluziv i programit hulumtues KallxoPërnime, kushtuar kontrabandës së armëve midis dy vendeve.

Në qendër të dosjes qëndrojnë disa biznesmenë të armëve, emrat e të cilëve nuk janë bërë publikë, të dyshuar për vjedhje armësh në Kosovë. Reportazhi rindërton rrugët nëpër të cilat, sipas dyshimeve, këto armë transportohen drejt Shqipërisë.

Pjesë e dosjes janë dëshmi dhe të dhëna nga hetimet e prokurorisë së posaçme shqiptare, SPAK, si dhe të prokurorive të tjera në Shqipëri, të cilat, sipas reportazhit, zbulojnë itineraret e armëve nga Kosova.

Personat e përfshirë trajtohen vetëm si të dyshuar, ndërsa nuk dihet ende nëse institucionet e Kosovës kanë nisur hetime për vjedhjet e pretenduara.