Reagimi i parë i familjes Selimi pas dënimit në Hagë: një foto me flamurin e UÇK-së

Fotografia u shfaq në Facebook një ditë pas shpalljes së aktgjykimit: djali dhe vajza e Shqipe Mehmeti-Selimit, duke mbajtur së bashku flamurin e Ushtrisë Çlirimtare të Kosovës. Poshtë saj, një mesazh i shkurtër: "Nën hijen e këtij flamuri, gjithmonë krenarë, gjithmonë të fortë!".

Ky është reagimi i parë publik i bashkëshortes së Rexhep Selimit pas dënimit të tij me 13 vjet burgim nga Dhomat e Specializuara të Kosovës në Hagë. Selimi, ish-krerë i UÇK-së, është ndër figurat më të njohura të procesit që zhvillohet në Hagë.

Mehmeti-Selimi nuk ka shtuar asnjë koment tjetër përveç rreshtit që shoqëron fotografinë, duke mos iu referuar drejtpërdrejt as gjykatës e as vendimit.

Në Kosovë, aktgjykimet e Dhomave të Specializuara ndiqen me vëmendje të veçantë publike, ndërsa reagimet e familjarëve të të akuzuarve rrallë vijnë menjëherë pas leximit të vendimit.