ReklamëHapësirë reklame
ReklamëHapësirë reklame
Reklamë
Kredia për kujdesin shëndetësor, shpronësimet për autostradën Prishtinë-Gjilan dhe fondet evropiane IPA janë ndër pikat kryesore të mbledhjes së sotme të qeverisë. Kabineti mblidhet për herë të tretë që nga formimi, me 35 pika në rend të ditës.
Shëndetësia, infrastruktura rrugore dhe paratë evropiane janë në qendër të mbledhjes së sotme të Qeverisë së Republikës së Kosovës, e treta që nga formimi i saj. Rendi i ditës numëron 35 pika, ndërsa takimi është paralajmëruar të nisë në orën 10:00.
Sipas dokumentit që ka siguruar IndeksOnline, ekzekutivi do të shqyrtojë marrëveshjen e kredisë me Bankën Zhvillimore të KiE-së, e cila synon përmirësimin e kujdesit shëndetësor sekondar dhe terciar.
Në tryezë vijnë edhe dy projekte rrugore. I pari lidhet me kërkesën për shpronësimin e pronave që preken nga ndërtimi i autostradës Prishtinë-Gjilan, ndërsa i dyti me zgjerimin e rrugës nacionale M25 Prishtinë-Podujevë.
Qeveria pritet të diskutojë gjithashtu ratifikimin e marrëveshjes financiare ndërmjet Kosovës dhe Bashkimit Evropian për Programin Shumëvjeçar IPA 2026-2027, përkrah pikave të tjera të rendit të ditës.
Invalidët e UÇK-së, familjarët e dëshmorëve dhe të të zhdukurve, si dhe viktimat e dhunës seksuale gjatë luftës që jetojnë jashtë vendit lirohen nga tarifat për dokumente. Vendimi i MPJD-së është në fuqi që nga 14 tetori 2026.
