Protesta para Speciales në Hagë degjeneron: policia holandeze arreston mbështetës të krerëve të UÇK-së

Protesta në Hagë ka eskaluar pas dënimit të ish-krerëve të UÇK-së. Njësia speciale e policisë holandeze ka ndërhyrë ndaj një grupi protestuesish, duke i rrëzuar për tokë dhe duke arrestuar disa mbështetës të tyre. Në pamjet e publikuara nga faqe lokale shihen efektivët e njësisë speciale në mes të turmës.

Tensioni ishte ngritur edhe më parë: në një moment protestues godasin me grushte dhe hipin mbi kombin e policisë. Numri i të ndaluarve nuk është bërë i njohur, ndërsa policia holandeze nuk ka dalë me deklaratë zyrtare për akuzat ndaj tyre.

Aktgjykimi ndaj Hashim Thaçit, Kadri Veselit, Jakup Krasniqit dhe Rexhep Selimit ka shkaktuar një valë reagimesh në Kosovë. Albulena Haxhiu i ka dërguar porosi familjeve të tyre, duke thënë se Kosova është me ata. Gjini ka theksuar se ky aktgjykim nuk mund ta ndryshojë të vërtetën historike të Kosovës, ndërsa PDK-ja ka deklaruar se beteja për drejtësi vazhdon deri në fund.

Avokati Koci ka vlerësuar se procesi juridik nuk ka përfunduar dhe ka kërkuar formimin e një Këshilli Kombëtar. Ka reaguar edhe vajza e Jakup Krasniqit, që pas dënimit ka thënë se kjo nuk do t'i thyejë kurrë.