Protesta kundër qeverisë në Tiranë lë pas 36 të lënduar, 31 përfundojnë në Traumë

Të paktën 36 persona u lënduan të dielën, më 18 tetor, në Tiranë, kur protesta kundër qeverisë u shndërrua në përplasje të dhunshme mes protestuesve dhe forcave të policisë.

Bilanci u bë publik të hënën nga Ministria e Shëndetësisë dhe Mirëqenies Sociale. Sipas ministrisë, 31 nga të lënduarit morën ndihmë mjekësore në Spitalin Universitar të Traumës, ndërsa për pesë të tjerët nuk është bërë ende e ditur se si u trajtuan.

Shifrat e ministrisë janë deri tani i vetmi bilanc zyrtar i dhunës së së dielës. Nuk është sqaruar se sa nga të lënduarit janë protestues dhe sa pjesëtarë të policisë.